حضرت وعيون الرجال حراب وعيونـي حـراب
ووقفت من بيـن النشامـى وقفـة(ن) يـدرى بهـا
اقدر وجيـة(ن) تقدرنـي واحسـب لهـا حسـاب
واصد عن بعـض الوجيـه ولا حسبـت حسابهـا
جات البدايه هكذا .. يـا امـا خطـا ولا صـواب
لكنهـا فكـره عـسـى ربــي يجملـنـا بـهـا
حمستها فالراس حمس البـن يـوم الكيـف طـاب
من طيـب نكهتهـا طمـع فـي شربهـا صبابهـا
وفوحتهـا بيـن المحانـي ليـن فيهـا البـن ذاب
وقندتهـا مـن فكـري اللـي مـا يطيـب الا بهـا
يـوم استـوت قدمتهـا لوجيـه سمحيـن الجنـاب
مـا كنهـا الا دلـة(ن) تبـري خـوى شرابـهـا
صحيح شاب الوصف لكن من يقول القـاف شـاب
الا علـى روس الطـوال النايفـات ارقـى بـهـا
شاعر واحقر الهينـه ويشـوش راسـي للصعـاب
مانيـب حيـا الله ليـا شـاف الصعـاب يهابـهـا
اغرف بحر واقطف زهر وانحت على صم الهضاب
مثايل(ن) تبطي وهـي عنـد العـرب يحكـى بهـا
السبع كانه لا عـدى مالـه علـى الشـدات نـاب
تعشتـه شهـب السبـاع اللـي تـحـد انيابـهـا
واللي مايلقـى مـن يمينـه لا طعـام ولا شـراب
تصبـر علـى جـور الليالـي لحيتـه واشنابـهـا
واللي معه قلب(ن) شجاع وعزم ذيب وعيـن داب
وبيـن الجبـال الموحشـه دربـه وبيـن هضابهـا
ومنين مـا هـب الهـوى لقـاه لخشـوم الركـاب
مـن سطوتـه ماهـو يخليهـا تـعـوج رقابـهـا
ولا يكـل ولا يـمـل ولا يضـيـق ولا يـهـاب
ويعقـب اللـي مـا يقـول النـار مـن شبابـهـا
ان كان ما جاه السعـد يسبـق مراويـح السحـاب
قولت كفو فـي حـق مثلـه مـا يطـول غيابهـا
وانا احتزمت بمحزمي واخـذت سيفـي والزهـاب
وشقرا(ن) عليها البندق اللـي بيـن(ن) مضرابهـا
من دار ابو مشعل سديد الـراي حـلال الصعـاب
حليـت فـي دار الرجـال اللـي تعـز اصحابهـا
واخذت من غيري كتاب وشفت مضمـون الكتـاب
ماهو كتـاب الا وصـاة(ن) مـا طلعـت الا بهـا
من ثقلها يمكن يبيـن الشيـب فـي راس الشبـاب
مافيه واحد مـن عيـال العـود مـا وصـى بهـا
اتباع من دون الوطن والملـك الانفـس والرقـاب
مافـي خسـاره روحــة الارواح دون ترابـهـا
والجادل اللـي لبسهـا نـدر الجواهـر والثيـاب
موضوعها اكبـر مـن جواهرهـا ودق خضابهـا
تلد لي كنهـا تقـول ادخـل عليـك مـن الذهـاب
تـراك يامـي ستـر مـن تبغـى الستـر بثيابهـا
قـد غـارت القعبـان تبغيهـا وعداهـا عـقـاب
حـول عليهـا يـوم شامـت لأجلـه وقفـى بهـا
خذها ببيت وحكمـه ومعنـى ووزن ورفـع اداب
لو مـا معـه قـوه وعـزم ومعرفـه مـا جابهـا
وانا حضرت وحضرتي ماهي سوى هي والغيـاب
حضـور مـن يجنـي فوايـد طرقتـه واتعابـهـا
وان كان في الدعوه بيـارق فاللـوازم مـا نهـاب
حنـا لهـا امهـا بهـا .. ولا بقـطـع ارقابـهـا
ووقفت من بيـن النشامـى وقفـة(ن) يـدرى بهـا
اقدر وجيـة(ن) تقدرنـي واحسـب لهـا حسـاب
واصد عن بعـض الوجيـه ولا حسبـت حسابهـا
جات البدايه هكذا .. يـا امـا خطـا ولا صـواب
لكنهـا فكـره عـسـى ربــي يجملـنـا بـهـا
حمستها فالراس حمس البـن يـوم الكيـف طـاب
من طيـب نكهتهـا طمـع فـي شربهـا صبابهـا
وفوحتهـا بيـن المحانـي ليـن فيهـا البـن ذاب
وقندتهـا مـن فكـري اللـي مـا يطيـب الا بهـا
يـوم استـوت قدمتهـا لوجيـه سمحيـن الجنـاب
مـا كنهـا الا دلـة(ن) تبـري خـوى شرابـهـا
صحيح شاب الوصف لكن من يقول القـاف شـاب
الا علـى روس الطـوال النايفـات ارقـى بـهـا
شاعر واحقر الهينـه ويشـوش راسـي للصعـاب
مانيـب حيـا الله ليـا شـاف الصعـاب يهابـهـا
اغرف بحر واقطف زهر وانحت على صم الهضاب
مثايل(ن) تبطي وهـي عنـد العـرب يحكـى بهـا
السبع كانه لا عـدى مالـه علـى الشـدات نـاب
تعشتـه شهـب السبـاع اللـي تـحـد انيابـهـا
واللي مايلقـى مـن يمينـه لا طعـام ولا شـراب
تصبـر علـى جـور الليالـي لحيتـه واشنابـهـا
واللي معه قلب(ن) شجاع وعزم ذيب وعيـن داب
وبيـن الجبـال الموحشـه دربـه وبيـن هضابهـا
ومنين مـا هـب الهـوى لقـاه لخشـوم الركـاب
مـن سطوتـه ماهـو يخليهـا تـعـوج رقابـهـا
ولا يكـل ولا يـمـل ولا يضـيـق ولا يـهـاب
ويعقـب اللـي مـا يقـول النـار مـن شبابـهـا
ان كان ما جاه السعـد يسبـق مراويـح السحـاب
قولت كفو فـي حـق مثلـه مـا يطـول غيابهـا
وانا احتزمت بمحزمي واخـذت سيفـي والزهـاب
وشقرا(ن) عليها البندق اللـي بيـن(ن) مضرابهـا
من دار ابو مشعل سديد الـراي حـلال الصعـاب
حليـت فـي دار الرجـال اللـي تعـز اصحابهـا
واخذت من غيري كتاب وشفت مضمـون الكتـاب
ماهو كتـاب الا وصـاة(ن) مـا طلعـت الا بهـا
من ثقلها يمكن يبيـن الشيـب فـي راس الشبـاب
مافيه واحد مـن عيـال العـود مـا وصـى بهـا
اتباع من دون الوطن والملـك الانفـس والرقـاب
مافـي خسـاره روحــة الارواح دون ترابـهـا
والجادل اللـي لبسهـا نـدر الجواهـر والثيـاب
موضوعها اكبـر مـن جواهرهـا ودق خضابهـا
تلد لي كنهـا تقـول ادخـل عليـك مـن الذهـاب
تـراك يامـي ستـر مـن تبغـى الستـر بثيابهـا
قـد غـارت القعبـان تبغيهـا وعداهـا عـقـاب
حـول عليهـا يـوم شامـت لأجلـه وقفـى بهـا
خذها ببيت وحكمـه ومعنـى ووزن ورفـع اداب
لو مـا معـه قـوه وعـزم ومعرفـه مـا جابهـا
وانا حضرت وحضرتي ماهي سوى هي والغيـاب
حضـور مـن يجنـي فوايـد طرقتـه واتعابـهـا
وان كان في الدعوه بيـارق فاللـوازم مـا نهـاب
حنـا لهـا امهـا بهـا .. ولا بقـطـع ارقابـهـا
